...

Baş Prokurorluq və Bakı şəhər Baş Polis İdarəsi prorektorun qətli ilə bağlı məlumat yayıb

Cəmiyyət Materials 17 Sentyabr 2011 12:50 (UTC +04:00)
Baş Prokurorluq və Bakı şəhər Baş Polis İdarəsi (BPİ) Təfəkkür Universitetinin prorektorunun qətli ilə bağlı birgə məlumat yayıb.
Baş Prokurorluq və Bakı şəhər Baş Polis İdarəsi prorektorun qətli ilə bağlı məlumat yayıb

Azərbaycan, Bakı, 17 sentyabr /Trend, müxbir K.Zərbalıyeva/

Baş Prokurorluq və Bakı şəhər Baş Polis İdarəsi (BPİ) Təfəkkür Universitetinin prorektorunun qətli ilə bağlı birgə məlumat yayıb.

Trend-in məlumatına görə, adıçəkilən qurumların mətbuat xidmətlərinin məlumatında deyilir ki, sentyabrın 16-da saat 08:00 radələrində Yasamal rayonu, Şərifzadə küçəsi, 527/21-ci məhəllə, ev 2A, mənzil 8-də yaşamış, 1942-ci il təvəllüdlü, Təfəkkür Universitetinin prorektoru vəzifəsində işləmiş Əhmədov Tariyel İbrahim oğlunun başının arxa təpə nahiyyəsində beyin sümüklərinin qəlpəli sınığı xəsarətləri ilə müşayət olunan meyiti Yasamal rayonu, Şərifzadə küçəsi 8 saylı ünvanda yerləşən yaşayış binasının qarşısındakı idman meydançasında aşkar edilib.

Bakı şəhər prokurorluğu, Yasamal rayon prokurorluğu, Bakı şəhər Baş Polis İdarəsi və Yasamal rayon Polis İdarəsinin əməkdaşlarının, məhkəmə-tibb ekspertinin iştirakları ilə hadisə yerinə və meyitə baxış keçirilib, iş üçün əhəmiyyət kəsb edən maddi sübutlar götürülüb və digər zəruri təxirəsalınmaz istintaq-əməliyyat hərəkətləri aparılıb.

Faktla bağlı Cinayət Məcəlləsinin qəsdən adam öldürmə (120.1-ci) maddəsi ilə cinayət işi başlanmaqla, Bakı şəhər prokurorluğunun və şəhər BPİ-nin əməkdaşlarından ibarət birgə istintaq qrupu yaradılıb.

Hazırda iş üzrə şəhər prokurorluğunda intensiv istintaq-əməliyyat tədbirləri davam etdirilir.

Xəbər lenti

Xəbər lenti