Azərbaycan, Bakı, 21 aprel / Trend müxbir K.Zərbalıyeva/
İran vətəndaşının Azərbaycan ərazisində qeydiyyatsız yaşadığı müəyyənləşib.
Bakı Şəhər Baş Polis İdarəsindən Trend-ə verilən məlumata görə, Xətai Rayon Polis İdarəsi əməkdaşları İran vətəndaşı Nasiri Reza Safaralinin qeydiyyatsız yaşadığı üçün barəsində İXM-nin 339.1-ci (əcnəbilər və vətəndaşlığı olmayan şəxslər tərəfindən Azərbaycan Respublikasında olma qaydalarının pozulması) maddəsi ilə protokol tərtib edib.
Onun barəsindəki sənədlər Baş Pasport Qeydiyyat və Miqrasiya İdarəsinin Qanunsuz Miqrantlara Qarşı Mübarizə İdarəsinə təhvil veriblər.