Azərbaycanda ən iri apteklər şəbəkəsi olan Zəfəran könüllü tibbi sığorta (KTS) çərçivəsində sığorta şirkətləri ilə əməkdaşlıq əlaqələrini yaradır.
Cari ilin oktyabr ayının 1-dən Zəfəranın yeni tərəfdaşları Beynəlxalq Sığorta Şirkəti və A-Group Insurance Company olmuşlar. Müqavilənin şərtlərinə görə bu şirkətlərin müştəriləri respublikanın 25 şəhərində istənilən Zəfəran apteklərində dərman vasitələrini ala bilərlər.
Sığortalanmış müştərilərin yalnız həkim reseptlərini və sığorta polyusunu təqdim etdikləri zaman dərman preparatlarını almaq hüququ vardır. KTS proqramı çərçivəsində alınan dərmanların siyahısına 3 mindən artıq preparatlar daxildir. Zəfəran apteklərindəki bütün dərman preparatlarının keyfiyyət zəmanəti mövcuddur, çünki şirkət yalnız yoxlanmış və etibarlı təchizatçılarla işləyir.
Apteklər şəbəkəsi gələcəkdə ölkənin sığorta şirkətləri ilə əməkdaşlığı daha da möhkəmləndirməyi və inkişaf etdirməyi planlaşdırır.
Hal-hazırda Zəfəranın bir çox nüfuzlu tərəfdaşları var. Bunlar iri sığorta şirkətləri: "Atəşgah" , "Qarant", "Meqa", "Azsığorta", "Era-Trans", "Thames" və digərləridir.
"Zəfəran" 2008-ci ilin dekabr ayında yaradılmış, Bakıda və Azərbaycanın regionlarında fəaliyyət göstərən müasir apteklər şəbəkəsidir. Hal-hazırda "Zəfəran" apteklər şəbəkəsi Azərbaycanın 25 şəhərində mövcuddur və buraya 60-dək aptek daxildir. Müxtəlif imkanlı və müxtəlif gəlirləri olan alıcıların geniş dairəsi üçün nəzərdə tutulan apteklər şəbəkəsi aparıcı xarici istehsalçıların 10 000-dən artıq çeşidini təklif edir.
"Zəfəran" apteklər şəbəkəsi Azərbaycan Respublikasının Səhiyyə Nazirliyində qeydiyyatdan keçmiş yalnız sertifikatlaşdırılmış əczaçılıq məhsulları ilə işləyir.