...

Monitorinq imtahanının nəticələri şagirdlərin özlərinə açıqlanmayacaq

Cəmiyyət Materials 23 Aprel 2013 16:00 (UTC +04:00)
Tələbə Qəbulu üzrə Dövlət Komissiyasının (TQDK) orta məktəb şagirdləri üçün bu gündən keçirməyə başladığı monitorinq imtahanının nəticələri digər imtahanlardan fərqli olaraq, həmin imtahanı vermiş şagirdlərin özlərinə açıqlanmayacaq.
Monitorinq imtahanının nəticələri şagirdlərin özlərinə açıqlanmayacaq

Azərbaycan, Bakı, 23 aprel /Trend, müxbir İ.İsabalayeva/

Tələbə Qəbulu üzrə Dövlət Komissiyasının (TQDK) orta məktəb şagirdləri üçün bu gündən keçirməyə başladığı monitorinq imtahanının nəticələri digər imtahanlardan fərqli olaraq, həmin imtahanı vermiş şagirdlərin özlərinə açıqlanmayacaq. Bunu çərşənbə axşamı Trend-ə TQDK-nın mətbuat xidmətinin rəhbəri Elnur Nağızadə deyib.

Onun sözlərinə görə, monitorinq imtahanları şagirdlərin illik qiymətlərinə təsir göstərməyəcək. Buna görə də imtahanın nəticələri yalnız orta məktəblərdə tədris prosesinin vəziyyətinin öyrənilməsi məqsədilə təhlillərin aparılması üçün istifadə ediləcək. Təhlillər bütün monitorinq imtahanları bitdikdən sonra aparılacaq.

Qeyd edək ki, TQDK aprelin 23, 24 və 25-də Bakıda, Abşeron rayonunda və Sumqayıtda ümumi təhsil müəssisələrinin V və XI sinif şagirdləri arasında monitorinq imtahanları keçirəcək. V sinif şagirdləri üçün imtahan Ana dili və riyaziyyat fənni üzrə keçiriləcək. Ana dili imtahanında şagirdlərin bacarığı həm açıq tipli test tapşırıqları ilə, həm də yazı işi ilə yoxlanacaq. XI sinif şagirdləri isə Azərbaycan dilindən, riyaziyyat və fizika fənlərindən imtahan verəcəklər.

Məqalədə:
Xəbər lenti

Xəbər lenti