Azərbaycan, Bakı, 24 iyun /Trend, müxbir İ.İsabalayeva/
Gələcəkdə ümumtəhsil məktəblərində rus bölmələrinin tamamilə bağlanılması qətiyyən gözlənilmir. Bu barədə Trend Təhsil Nazirliyinin rəsmi saytına istinadən məlumat verir.
Nazirlik bildirir ki, bu gün Təhsil Nazirliyi sistemində olan dövlət ümumtəhsil məktəblərində rus bölməsi üzrə qəbulda əvvəlki illərə nisbətən artım müşahidə edilir.
Ötən tədris ilində Təhsil Nazirliyi sistemində olan 329 dövlət ümumtəhsil məktəbində rus bölmələri üzrə qruplar fəaliyyət göstərib.