Azərbaycan, Bakı, 16 mart /Trend, müxbir İlkin İzzət/
İlaxır çərşənbə ilə bağlı keçiriləcək tədbirlə əlaqədar paytaxtın mərkəzi yollarından biri bağlanacaq.
Bakı şəhər İcra Hakimiyyətindən Trend-ə bildiriblər ki, Konstitusiya Məhkəməsinin və Qoşa Qala qapısının qarşısında, Gənclər meydanında İlaxır çərşənbə günü münasibətilə Bakı şəhər İcra Hakimiyyəti tərəfindən təşkil olunacaq bayram konsertinin keçirilməsi ilə bağlı İstiqlaliyyət küçəsi və Azərbaycan prospektinin kəsişdiyi yerdən Əziz Əliyev küçəsi istiqamətinə gedən yol 17 mart 2015-ci il tarixdə bütün günü bağlı olacaq.