Azərbaycan, Bakı, 5 iyul /Trend, müxbir Hüseyn Vəliyev/
Azərbaycan ərazisində radioyayım üçün 105 MHz vahid tezlik diapazonundan istifadə ediləcək. Bu barədə Trend-ə ölkənin telekommunikasiya bazarındakı mənbə deyib.
Hazırda bu tezliklə FM-radio yayımı Lerik və Astara rayonlarında həyata keçirilir. "Bürc FM", "Xəzər FM", "Araz FM" və "Azad Azərbaycan" radiokanalları da vahid tezlik diapazonuna keçirilir.
Vahid tezlik diapazonuna keçid sərhədyanı ərazilərdə yaranan maneələri aradan qaldırmağa imkan verəcək.