...

UNEC xaricdə orta ixtisas təhsili üzrə mütəxəssis hazırlığına başlayır (FOTO)

Cəmiyyət Materials 10 Sentyabr 2018 17:14 (UTC +04:00)
UNEC-in Dərbənd filialında region üzrə iqtisadi təhsilin genişləndirilməsi istiqamətində yeni imkanlar yaradılıb.
UNEC xaricdə orta ixtisas təhsili üzrə mütəxəssis hazırlığına başlayır (FOTO)

Bakı. Trend:

Rusiya Elm və Təhsil Nazirliyinin əmri ilə rəsmi lisenziya əsasında fəaliyyət göstərən UNEC-in Dərbənd filialında region üzrə iqtisadi təhsilin genişləndirilməsi istiqamətində yeni imkanlar yaradılıb.

Universitetdən Trend-ə verilən məlumata görə, bu ilin avqust ayında Rusiya Təhsil və Elm sahəsinə nəzarət federal xidməti tərəfindən imzalanmış əmrə əsasən, UNEC-in Dərbənd filialında ali təhsil ilə yanaşı orta ixtisas təhsili üzrə mütəxəssis hazırlığı da həyata keçiriləcək. Bununla da UNEC - təhsilin hər iki istiqaməti üzrə ölkə xaricində tədris fəaliyyəti göstərən ilk Azərbaycan universiteti olub.

UNEC-in Dərbənd filialında orta ixtisas təhsili üzrə qəbul prosesi Rusiya qəbul qaydaları əsasında aparılacaq. Filialda maliyyə, bank işi, tətbiqi informatika, informasiya sistemləri, iqtisadiyyat və mühasibat uçotu üzrə mütəxəssislər hazırlanmaqla 5 ixtisas üzrə tədris aparılacaq.

Məlumat üçün bildirək ki, 2016-cı ildən etibarən UNEC Avropa İttifaqına üzv olan ölkədə də mütəxəssis hazırlığını həyata keçirir. UNEC ilə Yunanıstanın Qərbi Makedoniya Texniki Təhsil İnstitutu arasında bağlanan müqaviləyə əsasən Yunanıstanda birgə magistr proqramı üzrə mütəxəssis hazırlığı həyata keçirilir və bu ilin sonunda ilk məzunlar müvafiq diplom alacaqlar.

Məqalədə:
Xəbər lenti

Xəbər lenti