...

“Yüksəliş”də əyani mərhələyə keçənlərin 466 nəfəri dövlət sektorunda çalışır

Cəmiyyət Materials 24 İyun 2020 09:57 (UTC +04:00)
“Yüksəliş” müsabiqəsinin videomüsahibə turunda iştirak edərək əyani mərhələyə keçən 940 nəfər iştirakçının 466 nəfəri dövlət, 345 nəfəri özəl sektorda, 14 nəfəri QHT, 4 nəfəri beynəlxalq təşkilatda çalışır.
“Yüksəliş”də əyani mərhələyə keçənlərin 466 nəfəri dövlət sektorunda çalışır

Bakı. İlhamə İsabalayeva - Trend:

“Yüksəliş” müsabiqəsinin videomüsahibə turunda iştirak edərək əyani mərhələyə keçən 940 nəfər iştirakçının 466 nəfəri dövlət, 345 nəfəri özəl sektorda, 14 nəfəri QHT, 4 nəfəri beynəlxalq təşkilatda çalışır.

Müsabiqənin Təşkilat Komitəsindən Trend-ə verilən məlumata görə, iştirakçıların 111 nəfəri işləmir.

Əyani mərhələyə keçənlərin 45.4% faizi (427 nəfər) 21-30 yaşlı, 46 faizi (432 nəfər) 31-40 yaşlı, 8,6 faizi (81 nəfər) 41-51 yaşlıdır. Əyani mərhələyə keçənlərin 63,09 faizi Bakı-Abşeron iqtisadi zonasının payına düşür.

Qeyd edək ki, iştirakçılar videomüsahibədə 3 suala (Bu müsabiqədə iştirak etməkdə məqsədiniz nədir? Əsas peşəkar nailiyyətiniz? Sizi digərlərindən önə çıxaran və yaxşı lider ola biləcəyinizə təminat verən xüsusiyyətləriniz hansılardır?) video şəklində cavab veriblər.

Əyani mərhələyə keçənlər 940 nəfər bakalavr olub. Onların 897-si Azərbaycanda, 43-ü xarici ölkələrdə təhsil alıblar. Əyani mərhələyə keçənlərin 663 nəfəri magistr olub. Onların 563 nəfəri Azərbaycanda, 100 nəfəri xarici ölkələrdə təhsil alıblar.

Əyani mərhələyə keçənlər arasında iştirakçı sayına görə ilk universitetLƏR Azərbaycan Dövlət İqtisad Universiteti (222 nəfər), Bakı Dövlət Universiteti (195 nəfər), Azərbaycan Respublikası Prezidenti Yanında Dövlət İdarəçilik Akademiyası (81 nəfər), Azərbaycan Dövlət Neft və Sənaye Universiteti (52 nəfər), Azərbaycan Dövlət Pedaqoji Universiteti (43 nəfər) olub.

Xatırladaq ki, “Yüksəliş” müsabiqəsi Prezident İlham Əliyevin 26 iyul 2019-cu ildə imzaladığı sərəncamla intellektual səviyyəsi və idarəçilik keyfiyyətləri yüksək olan perspektiv rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis olunub.

“Yüksəliş” müsabiqəsi 21-51 yaş aralığında, 2 illik idarəçilik təcrübəsi olan, ali təhsilli Azərbaycan Respublikasının vətəndaşlarını əhatə edir. Müsabiqə 5 mərhələdən - qeydiyyat, onlayn seçim, əyani, yarımfinal və finaldan ibarətdir. Müsabiqədə ümumlikdə 11760 nəfər qeydiyyatdan keçib. Onlardan 9775 nəfər müsabiqəyə qəbul edilib.

Məqalədə:
Xəbər lenti

Xəbər lenti