...

Ordubadda canavar sürüsü 2-si yeniyetmə olmaqla 4 nəfərə hücum edib (FOTO)

Cəmiyyət Materials 29 May 2021 13:31 (UTC +04:00)
Ordubadda canavar sürüsü 2-si yeniyetmə olmaqla 4 nəfərə hücum edib (FOTO)

Trend-i buradan izləyin

Bakı. Ceyhun Ələkbərov - Trend:

Naxçıvanın Ordubad rayonunda canavar sürüsü insanlara hücum edib.

Trend-in məlumatına görə, hadisə Yuxarı Əylif kəndində qeydə alınıb. Canavarların hücumu nəticəsində iki böyük, iki yeniyetmə olmaqla, ümumən 4 nəfər xəsarət alıb.

Naxçıvan təcili tibbi yardım xidmətindən Trend-ə bildirilib ki, onlar 1977-ci il təvəllüdlü Bədəlov Əli Məcnun oğlu, 1966-cı il təvəllüdlü Məmmədov Əkbər Cavad oğlu, 2008-ci il təvəllüdlü Qəhrəmanov Təyyar Əbülfəz oğlu və 2005-ci il təvəllüdlü Qəhrəmanova Məryəm Rafiq qızıdır.

Hazırda həmin şəxslərdən bir nəfəri, M. Qəhrəmanovanın vəziyyəti yaxşı olduğundan evə buraxılıb. Digər şəxslərdən birinin isə vəziyyəti nisbətən ağır olduğundan Naxçıvan şəhərinə göndərilib.

Qeyd edək ki, hadisə may ayının 27-də baş verib.

Məqalədə:
Xəbər lenti

Xəbər lenti