Bakı. Humay Ağacanova - Trend:
16 fevral tarixindən etibarən 2021-2022-ci tədris ilinin yaz semestri üzrə elektron müraciətlərin qəbuluna başlanılıb. 8 iş günü ərzində 1200-dən çox yeni müraciət daxil olub.
Bu barədə Trend-in sorğusuna cavab olaraq Təhsil Nazirliyindən bildirilib.
Qeyd edilib ki, ilkin olaraq emalı son mərhələyə çatan 249 tələbənin təhsil krediti almaq hüququ müəyyən edilib. 19 tələbənin isə müraciətindəki uyğunsuzluqlara görə təkrar müraciət hüququ verilməklə imtina verilib. Digər tələbələrin isə müraciətləri müxtəlif mərhələlər üzrə emal edilməkdə və yeni müraciətlərin qəbulu davam etməkdədir.