Bakı. Trend:
Azərbaycan Milli Elmlər Akademiyasının (AMEA) tərkibindən çıxarılan institutlar Elm və Təhsil Nazirliyinə verildiyinə görə onların idarə olunmasında cavabdehlik daha çox nazirliyin üzərinə düşür. Onlara elmi-metodiki kömək göstərmək isə Akademiyanın fəaliyyət istiqamətləri sırasındadır.
Trend-in məlumatına görə, bunu AMEA-nın vitse-prezidenti, akademik İsa Həbibbəyli deyib.
İ.Həbibbəyli qeyd edib ki, xüsusən elmi istiqamətlərin, prioritetlərin müəyyən olunması, istiqamətləndirilməsi AMEA tərəfindən yerinə yetiriləcək: “AMEA bundan sonrakı fəaliyyətində ölkə üzrə elmi ekspertiza məsələlərini yerinə yetirmək səlahiyyətlərini özündə saxlayır”.
O əlavə edib ki, yeni format yeni liderlər yetişdirəcək.