Bakı. Trend:
Azərbaycanda minik avtomobillərin istehsalı artıb.
Dövlət Statistika Komitəsindən Trend-ə verilən məlumata görə, maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 2024-сü ilin yanvar ayında 50,8 milyon manatlıq məhsul istehsal edilib.
Əvvəlki ilin müvafiq ayı ilə müqayisədə, avtomobil, qoşqu və yarımqoşquların istehsalı 54,1 faiz artıb, maşın və avadanlıqların istehsalı əvvəlki ilin müvafiq ayı ilə eyni səviyyədə qalıb, sair nəqliyyat vasitələrinin istehsalı isə 66,5 faiz azalıb.
2024-сü ilin yanvar ayında 406 ədəd və ya əvvəlki ilin müvafiq ayı ilə müqayisədə 211 ədəd çox minik avtomobili istehsal olunub. Ay ərzində əvvəlki ilin müvafiq ayı ilə müqayisədə, metalların emalı üçün çoxalətli dəzgahların istehsalı 66 faiz artıb, traktorların istehsalı isə 51,5 faiz azalıb.