İyulun 21-də Azərbaycan Sosial-Rifah Partiyası (ASRP) Milli mətbuatın yaranmasının 130 illiyi münasibəti ilə "dəyirmi masa" keçirib. Trend informasiya agentliyi xəbər verir ki, mərasimdə ASRP rəhbərliyi ilə yanaşı millət vəkilləri, KİV nümayəndələri iştirak ediblər.
Milli mətbuatımızın banisi, ömrünü Azərbaycan xalqının maarifləndirilməsi, səadəti və tərəqqisi uğrunda mübarizəyə həsr etmiş böyük mütəfəkkir Həsən bəy Zərdabinin həyat və yaradıcılığından danışan ASRP-nin sədri, millət vəkili Xanhüseyn Kazımlı çıxışında onun yaradıcılığının indiyədək araşdırılmamış aspektlərinə toxunub.
