AŞPA nümayəndələri ahıska türklərinin Gürcüstana qayıtmalarını müzakirə edəcək
"Avropa Şurası Parlament Assambleyasının Monitorinq Komitəsi Gürcüstandadır". Trend xəbər verir ki, bu barədə Ahıska Türklərinin "Vətən" Cəmiyyətinin sədri İbrahim Burxanov noyabrın 15-də ahıska türklərinin Gürcüstandan çıxarılmasının 61 illiyi ilə bağlı keçirdiyi mətbuat konfransında bildirib.
İ.Burxanov qeyd edib ki, AŞPA nümayəndələri Gürcüstan prezidenti Mixail Saakaşvili və dövlət naziri Georgi Xaindrava ilə görüşüb ahıska türklərinin 2006-cı ildən başlayaraq öz torpaqlarına dönmələri poblemini müzakirə edəcəklər.
Monitorinq Komitəsinin səlahiyyətlilərinin bu görüşlərindən sonra noyabrın 25-də "Vətən" Cəmiyyətinin rəhbərləri ahıska türklərinin vətənə qayıtmaları ilə bağlı Gürcüstanda yaradılan dövlət komissiyası ilə görüşəcək.
