Son vaxtlar əsirlikdən azad edilmiş şəxslərin həbs edilməsi və üçüncü ölkəyə göndərilənlərin yaxınlarının təqib olunması ilə bağlı ictimaiyyətə məqsədli şəkildə səhv məlumatlar ötürülür. Bu barədə Trend ə Azərbaycan Respublikası Əsir və İtkin Düşmüş, Girov Götürülmüş Iətəndaşlarla Əlaqədar Dövlət Komissiyasından məlumat verilib.
Məlumatda bildirilir ki, Ermənistanın Azərbaycana təcavüzü nəticəsində əsir götürülmüş və üçüncü ölkəyə göndərilmiş vətəndaşlarımızla bağlı məsələlər Dövlət Komissiyasına, digər aidiyyəti orqanlara və habelə onların valideynlərinə məlumdur. Həmin şəxslər üçüncü ölkəyə öz razılıqları ilə və beynəlxalq humanitar hüquq normalarəna əsasən göndəriliblər. Əsir götürülmüş övladlarının üçüncü ölkələrə göndərilməsi faktı ilə bağlı onların valideynləri nə Dövlət Komissiyası, nə də digər aidiyyatı orqanlar tərəfindən təqib olunmayıb və hazırda da belə bir addım atılmır.
Azərbaycan Respublikasının Konstitusiyasına əsasən, hər hansı bir şəxsin əməlinə görə onun yaxın qohumları təqib oluna və məsuliyyətə cəlb edilə bilməz.
Azərbaycan Respublikası ali hüquq prinsiplərinə və insan hüquqlarına hörmətlə yanaşır, onları qoruyur.