Azərbaycan, Bakı / Trend müxbir E.Hüseynli/ Azərbaycanda hündürmərtəbəli binaların və digər obyektlərin tikintisinə rəy verilməsi üçün bu il Ekologiya və Təbii Sərvətlər Nazirliyinə 30-dan artıq müraciət daxil olub. Bunlardan 15-nə müsbət rəy verilib. Bu barədə bazar ertəsi Trend ə açıqlamasında ekologiya və təbii sərvətlər naziri Hüseynqulu Bağırov məlumat verib. Bağırovun sözlərinə görə, ötən il bu məqsədlə nazirliyə 70-80 müraciət daxil olub ki, bunlardan da 40-na mənfi rəy verilib.
Nazir bildirib ki, nazirlik yarandığı dövrdən bəri hündürmərtəbəli binaların və digər obyektlərin tikintisinə rəy verilməsi üçün 500-dən çox müraciət daxil olub. Bundan 250-dən çoxuna mənfi rəy verilib.
Bağırovun sözlərinə görə, rəy verilərkən ətraf mühitə dəyən ziyan məsələsi əsas prinsip götürülür.