Bakı. Elçin Mehdiyev – Trend:
Azərbaycanda keçiriləcək "Bakı-2017" IV İslam Həmrəyliyi Oyunları ilə bağlı bütün məsələlər vaxtında həll olunur, bu gün heç bir problem yoxdur.
Trend-in məlumatına görə, bunu gənclər və idman naziri, “Bakı - 2017” IV İslam Həmrəyliyi Oyunları Əməliyyat Komitəsinin Baş icraçı direktoru Azad Rəhimov bu gün keçirilən mətbuat konfransında deyib.
A.Rəhimov bildirib ki, İslam Həmrəyliyi İdman Federasiyasının Bakıda keçirilən 25-ci İcraedici kollegiya iclasında mühüm məsələlər müzakirə olundu.
A.Rəhimov qeyd edib ki, Azərbaycan bu Oyunların yüksək səviyyədə keçirilməsi üçün bütün lazımi işləri görür.