Bakı. Trend:
Bu gün Azərbaycan Premyer Liqasının 9-cu turu çərçivəsində "Neftçi" "Qarabağ"ı qəbul edib.
Trend-in məlumatına görə, oyuna fəal başlayan meydan sahibi artıq 10-u dəqiqədə A.Hüseynovun öz qapısına göndərdiyi topla hesabda önə keçib - 1:0. Oyunun 26-cı dəqiqəsində M.Abbasov özünün ilk komandasının 2-ci qolunu vurub - 2:0.
85-ci dəqiqədə "Qarabağ" M.Mədətovun qolu ilə hesabdakı fərqi azaltmağa nail olur - 2:1. Lakin bundan cəmi 2 dəqiqə sonra B.Dabo oyunda son nöqtəni qoyur - 3:1.
Beləlilə, oyun meydan sahibinin 3:1 ehsablı qələbəsi ilə yekunlaşır.