Bakı. Trend:
"Prema" komandasının avstraliyalı pilotu Osrar Piastri İspaniyada "Formula 3" seriyasının başa çatan altıncı mərhələsinin ikinci yarışında qalib oldu.
Trend-in məlumatına görə, ikinci yerdə Piastrinin həmyerlisi Aleks Peroni (Kampos), üçüncü yerdə isə italiyalı Matteo Nannini (Jenzer Motosport) qərarlaşıblar.
Altı mərhələdən sonra "Prema" komandasından olan amerikalı Loqan Sarjent 131 xalla liderdir. İkinci yerdə O. Piastri (130), üçüncü yerdə Yeni Zelandiyanın "Hitech GP" nümayəndəsi Liam Lausondur (99).
Formula 3-ün növbəti mərhələsi 28-30 avqust tarixlərində Belçikada baş tutacaq.