...

Azərbaycanda olarkən özümü evdəki kimi hiss edirəm - Türkiyəli gimnast

İdman Materials 12 Fevral 2022 16:02 (UTC +04:00)
Azərbaycanda olarkən özümü evdəki kimi hiss edirəm - Türkiyəli gimnast

Bakı. Cani Babayeva - Trend:

Azərbaycanda olarkən özümü evdəki kimi hiss edirəm.

Bunu Trend-ə Bakıda keçirilən batut gimnastikası üzrə Dünya Kubokunun iştirakçısı, türkiyəli gimnast Gürkan Mutlu deyib.

"Bu, mövsümün ilk Dünya Kubokudur və mən öz çıxışımdan razı qaldım. Hər şey planlaşdırdığım kimi keçdi. Ümid edirəm ki, növbəti mərhələdə də proqramı uğurla yerinə yetirəcəyəm. Bakıdakı yarış çox vacibdir, çünki yeni qaydalara uyğun keçirilir", - deyə o bildirib.

Gimnast qeyd edib ki, yarışların təşkilindən çox razıdır.

"Azərbaycana ilk dəfə deyil ki, gəlirəm və burada beynəlxalq yarışların gözəl təşkil olunduğunu bilirəm. Təşkilatçılar idmançılar üçün lazım olan bütün xırdalıqları nəzərə alıblar. Özümü burada hər zaman rahat, evdəki kimi hiss edirəm", - idmançı deyib.

Qeyd edək ki, batut gimnastikası üzrə Dünya Kuboku fevralın 12-13-də Milli Gimnastika Arenasında keçiriləcək.

Yarışda 13 ölkədən 63 idmançının iştirakı gözlənilir. Dünya kubokuna qatılmaq məqsədilə ölkəmizə səfər edəcək batutçular iki yarış günü ərzində Beynəlxalq Gimnastika Federasiyasının yeni qaydaları əsasında mübarizə aparacaqlar. Yarışların ilk günü təsnifat mərhələsi, ikinci günü isə kişilər arasında ikinci təsnifat və final mərhələləri (kişilər və qadınlar) keçiriləcək. Qeyd edək ki, qədəm qoyduğumuz yeni Olimpiya dövründə batut gimnastikası üzrə yarışlarda təsnifat mərhələsində 31-dən artıq iştirakçı olduqda ikinci təsnifat mərhələsi keçirilir. Yarışların miqyası və iştirakçıların sayından asılı olaraq ikinci təsnifatda müvafiq olaraq 16 və ya 24 iştirakçı olur.

Azərbaycanı bu yarışda yığma komandanın üzvü Selcan Maqsudova təmsil edir.

(Tərcümə: Orxan Nəbiyev)

Məqalədə:
Xəbər lenti

Xəbər lenti