...

UEFA Çempionlar Liqasında mövsümün ilk finalçısı müəyyənləşib

İdman Materials 4 May 2022 01:03 (UTC +04:00)
UEFA Çempionlar Liqasında mövsümün ilk finalçısı müəyyənləşib

Trend-i buradan izləyin

Bakı. Trend:

İngiltərənin "Liverpul" futbol klubu UEFA Çempionlar Liqasının finalına yüksəlib.

Trend xəbər verir ki, "mersisaydlılar" ikinci yarımfinal görüşündə İspaniyanın "Vilyarreal" klubunu üstələyiblər.

Doğça divarlar arasında 2:0 hesabı ilə qalib gəlmiş Yurgen Kloppun yetirmələri səfər oyununda əzmkar qələbəyə imza atıblar - 3:2.

Hesabı 3-cü dəqiqədə "Vilyarreal"ın hücumçusu Bulaye Dia açıb. 41-ci dəqiqədə Fransis Koklin fərqi artırıb.

Fasilədən sonra "Liverpul" dönüş etməyi bacarıb. Fabinyo 62-ci, Luis Dias 67-ci, Sadio Mane isə 74-cü dəqiqələrdə fərqləniblər.

"Liverpul"un rəqibi İspaniyanın "Real Madrid" və İngiltərənin "Manşester Siti" komandaları arasında keçiriləcək digər cavab yarımfinal görüşünün qalibi olacaq.

Məqalədə:
Xəbər lenti

Xəbər lenti