Bakı. Trend:
Bu gün Qətərdə keçirilən futbol üzrə Dünya Çempionatının növbəti yarımfinal oyunu keçirilib.
Trend xəbər verir ki, Fransa və Mərakeş milliləri arasında keçirilən yarımfinal görüşündə fransalılar 2:0 hesablı qələbə qazanıblar.
Oyunda qolları T.Ernandes (5-ci dəqiqə) və R.Kolo-Muani (79) vurublar.
Beləliklə, Fransa millisi ardıcıl ikinci dəfə Dünya Çempionatının finalına yüksəlib.
Qeyd edək ki, finalda Fransanın rəqibi Argentina millisi olacaq.