Bakı. Trend:
Şənbə günü, aprelin 15-də Bakıda yerləşən Milli Gimnastika Arenasında bədii gimnastika üzrə 3-cü AGF Trophy beynəlxalq turnirinin ikinci gününə start verilib.
Trend bu barədə şənbə günü xəbər verir.
Bu gün gənc və böyükyaşlı gimnastlar gürz və lentlə fərdi proqramda kvalifikasiyadan keçəcəklər, gənclər komandaları arasında 5 topla qrup məşqləri üzrə kvalifikasiya, həmçinin böyüklər yaş kateqoriyasında komandaların 3 lentlə və 2 topla qrup məşqləri üzrə kvalifikasiya yarışları keçiriləcək.
Qeyd edək ki, bədii gimnastika üzrə 3-cü AGF Trophy beynəlxalq turnirin yarışları 14-16 aprel tarixlərində keçirilir. Yarışlarda dünyanın 14 ölkəsindən 119 gimnast iştirak edəcək. Gənc bədii gimnastlarla yanaşı, böyükyaşlı bədii gimnastlar da çıxış edirlər.
Azərbaycanı turnirdə 20-si fərdi (6 böyüklər, 14 gənclər), 18-i qrup hərəkətləri üzrə (1 böyüklər, 2 gənclər qrup komandası) olmaqla ümumilikdə 38 gimnast təmsil edir.
Qaliblər çoxnövçülük, komanda hesabı və ayrı-ayrı alətlər üzrə müəyyən olunur.
Azərbaycanda gənclər arasında AGF Junior Trophy Beynəlxalq turniri ilk dəfə 2018-ci ildə, daha sonra isə 2019-cu ildə keçirilib.
