...

“SOCAR Methanol”un baş direktor müavini: Azərbaycanın metanol bazarının inkişafı strateji hədəfimizdir (MÜSAHİBƏ)

İqtisadiyyat Materials 13 Sentyabr 2017 08:09 (UTC +04:00)
Azərbaycanın metanol bazarının inkişafı “SOCAR Methanol” MMC-nin strateji hədəflərindən biridir
“SOCAR Methanol”un baş direktor müavini: Azərbaycanın metanol bazarının inkişafı strateji hədəfimizdir (MÜSAHİBƏ)

Trend-i buradan izləyin

Bakı. Maksim Tsurkov - Trend:

Azərbaycanın metanol bazarının inkişafı “SOCAR Methanol” MMC-nin strateji hədəflərindən biridir.

Bunu Trend-ə müsahibəsində şirkətin baş direktorunun müavini Elnur Bağırov deyib.

Zavoda təbii qaz tədarükü barədə

Zavoda təbii qazı “Azəriqaz” İstehsalat Birliyi tədarük edir. Şirkətimiz qazı Tarif Şurası tərəfindən təsdiq olunan qiymətlərlə alır. 2017-ci ilin istehsalat planına uyğun olaraq biz gündəlik 1,5 milyon kubmetr qaz alırıq.

2017-ci il üçün istehsalat planının icrası

Məlum olduğu kimi, “SOCAR Methanol” 2017-ci ildə 250 min ton məhsul istehsal etməyi planlaşdırır. Bugünədək 188 min tona yaxın metanol istehsal edilib, yəni istehsalat planı 75 faiz icra edilib. Fikrimcə, ilin yekunlarına əsasən proqnoz tam olaraq yerinə yetiriləcək.

İxracın əsas və yeni marşrutları barədə

Metanol satışı SOCAR-ın Marketinq və iqtisadi əməliyyatlar İdarəsi tərəfindən həyata keçirilir. Məlum olduğu kimi, SOCAR metanol satışı üçün ən effektiv marşrutlardan istifadə edir. Qeyd edim ki, göndərilmə təkcə Kulevidən həyata keçirilmir. Bir müddət əvvəl Xəzər dənizində Bakı limanından həm Qazaxıstana, həm də beynəlxalq bazarlara tədarük həyata keçirilməyə başlanıb.

İstehsalat gücünün artırılması planları barədə

Zavodun maksimal istehsalat gücü ildə 650-700 min ton metanol təşkil edir. Bununla əlaqədar olaraq bizim yaxın gələcəkdə əsas strateji hədəflərimizdən biri metanolun istehsalınnı ildə 500 min tona çatdırmaqdır. Bu, cari il üçün nəzərdə tutulmuş həcmdən iki dəfə çoxdur. Zavod tərəfindən qaz satınalmaları da müvafiq olaraq artacaq.

Saxlama gücünün genişləndirilməsi barədə

Bu gün üçün zavod çənlərinin hazır məhsulu saxlama həcmi 48 min ton təşkil edir.

Şirkətin “Made in Azerbaijan” brendinin inkişafına töhfəsi barədə

Bu gün məhsulumuzun 95 faizi ixraca yönəlir. Metanol zavodu Azərbaycanın ixrac potensialını möhkəmləndirən bir müəssisədir.

Məqalədə:
Xəbər lenti

Xəbər lenti