Bakı. Trend:
Azərbaycan Dövlət Neft Şirkətinin (SOCAR) “Azneft” İstehsalat Birliyində yeni təyinatlar olub.
İstehsalat Birliyindən Trend-ə verilən məlumata görə, Elmir Qaragözov qurumun baş geoloqu-baş direktorun müavini, Balaəli Cəfərov baş mühəndisin hasilat üzrə müavini təyin olunub.
“Azneft”də yeni təyinatlarla bağlı təqdimat mərasimi keçirilib.
SOCAR-ın Geologiya və geofizika məsələləri üzrə vitse-prezident Bəhram Hüseynov gənc kadrların yeni vəzifələrə təyinatını müsbət qiymətləndirib.