...

Turizm Bürosu: Azərbaycan aqroturizmin inkişafı üçün unikal potensiala malikdir

İqtisadiyyat Materials 11 İyun 2020 13:05 (UTC +04:00)
Azərbaycanda aqroturizmin inkişafı üçün unikal və geniş potensiala malikdir.
Turizm Bürosu: Azərbaycan aqroturizmin inkişafı üçün unikal potensiala malikdir

Bakı. İlhamə İsabalayeva - Trend:

Azərbaycanda aqroturizmin inkişafı üçün unikal və geniş potensiala malikdir.

Trend-in məlumatına görə, bunu Azərbaycan Turizm Bürosunun Baş icraçı direktoru Florian Zenqstşmid “Qlobal səyahətçilərin gözündə Azərbaycanın aqroturizm və ekoturizm potensialı” mövzusunda keçirilən vebinarda deyib.

F.Zenqstşmid son illərdə qlobal turizmdə aqroturizm və ekoturizmin əhəmiyyətinin artmasını, eləcə də post-pandemiya dövründə aqroturizm kimi yeni turizm növlərinə daha çox ehtiyac yaranacağını, regionlarda aqroturizmin inkişafı istiqamətində müəyyən addımlar atıldığını bildirib.

Azərbaycanda turizmin müxtəlif növlərini, o cümlədən regional turizmi inkişaf etdirməklə dayanıqlı turizmə nail olmaq qarşıda duran əsas məqsəddir.O, "Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi"ndə kənd turizminin inkişafının prioritetlərdən biri olduğunu vurğulayıb.

F. Zenqstşmid Dövlət Turizm Agentliyi və Azərbaycan Turizm Bürosu tərəfindən regionların turizm potensialının daha effektiv istifadəsi üçün artıq 4 Destinasiya Menecmenti Təşkilatının fəaliyyət göstərdiyini deyib. O qeyd edib ki, yeni idarəetmə modeli olaraq DMT-lər yerli səviyyədə dövlət-özəl sektor tərəfdaşlığında mühüm rol oynayırlar.

Eyni zamanda kiçik və orta sahibkarlığa dəstək verilməsi, müvafiq təlimlərin keçirilməsi, yerləşmə yerlərinin standartlara uyğunlaşdırılması, iş yerlərinin yaradılması, qadınların, aztəminatlı şəxslərin kənd turizmində rolunun artırılması kimi məqamların əhəmiyyət kəsb etdiyi vurğulanıb.

Azərbaycan Respublikası Kənd Təsərrüfatı Nazirliyinin tabeliyində olan “Aqrar Tədarük və Təchizat” ASC-nin Layihələrin idarəolunması şöbəsinin müdiri Zaur Bayramov “Şəhərdən kəndə” layihəsi haqqında məlumat verərək bildirib ki, layihə yerli və xarici turistləri kənd yerlərinə cəlb etməklə fermerlər və aqro-sahibkarlar üçün alternativ satış kanalı və gəlir mənbəyi əldə etmək, məhsullarını birbaşa təklif etmək imkanı tanıyır.

Amerikalı turistlərin Azərbaycan kəndlərinə qastronomiya turlarının təşkilatçılığı ilə məşğul olan Fəridə Buyuran Xınalıq, Kiş, Nic və bu kimi özünəməxsus kəndlərə böyük maraq göstərildiyini, məhz etnik müxtəlifliyin, adət-ənənələrin fərqliliyinin, müasir təsirlərdən uzaq qalan kəndlərin unikallığının Azərbaycanda kənd turizminin inkişafı üçün əsas amillərdən biri olduğunu vurğulayıb.

Məqalədə:
Xəbər lenti

Xəbər lenti