Bakı. Trend:
Azərbaycan Mərkəzi Bankının (AMB) sədri Taleh Kazımov Beynəlxalq Valyuta Fondunun (BVF) Azərbaycan, Yaxın Şərq və Mərkəzi Asiya üzrə missiyasının rəhbəri Anna Bordon ilə görüşüb.
Trend-in bazar ertəsi verdiyi məlumata görə, bu barədə AMB sədri özünün "Twitter" səhifəsində yazıb.
"Görüş zamanı Azərbaycan Mərkəzi Bankı və BVF arasında əməkdaşlığın cari vəziyyəti və gələcək istiqamətləri barədə fikir mübadiləsi apardıq. Görüşdə, həmçinin BVF-nin Maddələr Sazişinin 4-cü maddəsi üzrə məsləhətləşmələrə hazırlıq çərçivəsində görüləcək işlər və Azərbaycanın gələcək inkişafı üçün BVF-nin dəstək proqramları ətafında müzakirələr apardıq", - deyə AMB sədri qeyd edib.