Bakı. Trend:
Cümə günü Amerikada açıqlanacaq əmək bazarı, xüsusilə də NFP hesabatı gələn
həftənin iqtisadi təqviminin gözlənilən əsas xəbərləri olacaq, çünki bazarlar ABŞ-da
faiz dərəcələrinin gələcək istiqamətini ölçməyə çalışır. Həmçinin, həftə ərzində
Yaponiyada, Almaniyada, Avrozonada, İngiltərədə, Amerikada sənaye, xidmət və
tikinti sektorlarında Biznes Aktivliyi İndeksi (PMİ) göstəriciləri, Avrozonada,
Türkiyədə, İsveçrədə İstehlak Qiymətləri İndeksi, Amerikada “JOLTS” Vakansiyalar
və Boş İşyerləri hesabatları, İşsizlik Müavinəti üçün Müraciətlərin Sayına dair statistik
rəqəmlər investorların diqqət mərkəzində olacaq.
Eləcə də, FED sədri Cerom Pavelin və AMB sədri Kristin Laqardın çıxışları, və ABŞ
Federal Ehtiyyatlar Sisteminin çərşənbə günü, Avropa Mərkəzi Bankının cümə
axşamı günü dərc olunacaq son iclaslarının protokolları yaxından izləniləcək.
Fransa və İngiltərədəki seçkilər də birjalarda volatilliyi artıra bilər.
Ötən həftənin cümə günü proqnozlarla eyni səviyyədə açıqlanan FED-in üstünlük
verdiyi inflyasiya göstəricisi olan Şəxsi İstehlak Xərcləri Qiymət İndeksi (PCE)
hesabatından sonra, cari həftənin cümə günü investorlar əmək bazarı, xüsusilə NFP,
eləcə də, əmək haqqı hesabatından Federal Ehtiyatlar Sisteminin faiz dərəcələrini
aşağı salmağa nə vaxt başlaya biləcəyinə dair ipucları arayacaqlar.
İqtisadçılar, əvvəlki ayda 272 min yeni iş yeri ilə ehtimal ediləndən daha böyük
artımın əmək bazarının dayanıqlığını vurğulamasından sonra, iyun ayında ABŞ-da
qeyri-kənd təsərrüfatı sektorunda 189 min yeni iş yeri yarandığını proqnozlaşdırırlar.
FED bu ayın əvvəlində faiz dərəcələrini dəyişməz saxladı və rəsmilər inflyasiyanın
Federal Ehtiyyatlar Sisteminin hədəfinə doğru gerilədiyinə dair daha inandırıcı
əlamətlər və ya əmək bazarının yavaşladığını göstərən yeni sübutlar axtardıqları
üçün faiz endirimlərinin başlanmasını dekabr ayına qədər təxirə salmış ola bilər.
Bu həftə Orta Saatlıq Gəlirlər, Qeyri-kənd Təsərrüfatı Sektorunda Yeni Yaranan İş
Yerlərinin Sayı məlumatlarından əvvəl açıqlanacaq “JOLTS” Vakansiyalar və Boş
İşyerləri hesabatları, İşsizlik Müavinəti üçün Müraciətlərin Sayı eləcə də, Özəl
Sektorda Yeni Yaranan İş Yerlərinin Sayı göstəricilərinin açıqlanması gözlənilir.
Cari həftə “Qurtuluş günü” ilə səbəbilə Amerikada qısa iş həftəsi olacaq.
C.Pavelin və K.Laqardın çıxışları; FED və ECB Protokolları
FED sədri Cerom Pavel çərşənbə axşamı Portuqaliyanın Sintra
şəhərində Avropa
Mərkəzi Bankının illik forumunda iştirak edəcək.
Pavel və ECB sədri Kristin Laqard "keçid dövründə pul siyasəti"
mövzusunda panel
müzakirəsinə qatılacaqlar və investorlar faiz siyasətinin gələcəyi
ilə bağlı baş
bankirlərin fikirləri dinləyəcəklər.
İlk rübdəki artımdan sonra inflyasiya azalsa da, FED-in 2%-lik
hədəfinin üzərində
qalmaqda davam edir.
Bu arada, çərşənbə günü FED-in, cümə axşamı günü isə AMB-nin
iyun iclaslarının
protokolları dərc olunacaq. Protokollarda Mərkəzi Bankların
iqtisadi perspektivlər və
pul-kredit siyasətinin gələcəyinə təsir edən amillərlə bağlı
fikirlər öz əksini tapacaq.
Fransa və İngiltərədə seçkilər
Fransa bazar günü bazarları sarsıdan erkən seçkilərin birinci turu
üçün sandıq
başına gedir.
İnvestorlar bir həftə sonra keçiriləcək ikinci turun nəticələri
ilə bağlı ipuçlarına diqqət
yetirəcəklər. Bununla belə, 577 dairədən ibarət olan və
namizədlərin ikinci tura
keçmək üçün 12.5% səs toplaması lazım olan üç turdan ibarət
marafonu əhatə edən
bu seçkidə qeyri-müəyyənlik hökm sürə bilər.
Böyük Britaniyadakı seçkilərə gəldikdə isə, sorğular
müxalifətdəki Leyboristlər
Partiyasının cümə axşamı krallıqda keçiriləcək seçkilərdə böyük
fərqlə qalib
gələcəyini proqnozlaşdırır. Funt-sterlinq isə 2016-cı ildə “Brexit”
səsverməsindən bəri
görünməmiş səviyyələrə qayıdır.
İnvestorlar hesab edirlər ki, Mühafizəkarların 14 illik
hakimiyyəti dövründə güclü
siyasi qarışıqlıqdan sonra sabitlik qayıdıb və Leyboristlərin
lideri Kayr Starmer
Avropa ilə ticarət əlaqələrini bərpa edə bilər.
Bununla belə, Starmerin parlamentdə nə qədər səs çoxluğuna sahib
olacağı hələ
bəlli deyil.
EUR
Bazar ertəsi Almaniyada, çərşənbə axşamı isə Avrozonada iyun ayı
üçün inflyasiya
məlumatları açıqlanacaq və iqtisadçılar may ayındakı artımdan sonra
həm manşet,
həm də baza inflyasiyada bir qədər yavaşlama
proqnozlaşdırırlar.
Avropa Mərkəzi Bankı (AMB) 2019-cu ilin sentyabrından bəri ilk
dəfə faiz dərəcələrini
endirdiyi iyun iclasının nəticələrini cümə axşamı günü dərc
edəcək.
ECB faiz artırmağa daha gec başlasa da, inflyasiyanın hədəfdən
yuxarı olması
səbəbindən çətin vəziyyətdə qalmaqda davam etdi. Lakin, iyun
ayındakı faiz endirimi
ilə Avropa Mərkəzi Bankı yumşaq monetar siyasət yolunda FED-i
qabaqladı.
Ötən həftəyə 1.0680 səviyyəsində start verən EURUSD məzənnəsi
1.0750 həddini
test etsə də, Amerikada PCE göstəricilərindən sonra məzənnə
geriləyərək həftəlik
şamını 1.07$ həddində bağladı.
“Ayılar” qiyməti 1.07$ həddinin altında saxlaya bilsələr, eniş
tendensiyası davam edə
bilər.
GBP
İngiltərədə seçki öncəsi funt-sterlinq dünya birjalarında
ucuzlaşır.
Ötən həftəlik şamını 1.2640 səviyyəsində tamamlayan GBPUSD
məzənnəsi
“Brexit”-dən sonra müşahidə olunan hədlərdə dalğalanır.
Analitiklər ehtimal edirlər ki, qiymət 1.27$ səviyyəsinin
altında qaldığı müddətcə, eniş
tendensiyası davam edə bilər.
OİLUK
Artan geosiyası risklər, Fələstin-İsrail qarşıdurmasında atəşkəsə
nail olunmaması,
həmçinin, Rusiya ilə Qərb arasında təhdid ritorikasının artması
fonunda neft
qiymətlərində artım tendensiyası davam edir. Cari həftəyə 85$-ın
üzərində başlayan
“Brent” nefti (OİLUK) 87$-a kimi bahalaşdı. Hazırda 85.80$-dan
təklif olunan
OİLUK-də “Buğalar” qiyməti 85$-ın üzərində saxladığı müddətcə,
artım tendensiyası
davam edə bilər. Əhəmiyyətli müqavimət həddi kimi 87$ səviyyəsi
çıxış edir.
XAUUSD
Ötən həftəyə 2322$ səviyyəsindən başlayan və 2340$-a kimi bahalaşan
qızıl,
dolların dünya birjalarında güclənməsi fonunda 2294$-a kimi
ucuzlaşdı.
Həftəlik şamını 2326$ həddində tamamlayan “sarı metal”-da
“Ayılar” qiyməti 2300$
həddinin altına qaytara və burada saxlaya bilsələr, eniş
tendensiyası daha kəskin
xarakter ala bilər.
İnvestisiya ilə bağlı suallarınızı: *1234 telefon nömrəsi və ya
www.investaz.az veb
saytı vasitəsilə bizə ünvanlaya bilərsiniz.
“İNVEST-AZ İnvestisiya Şirkəti” QSC-nin
Tədris və Analiz Departamenti
“İNVEST-AZ İnvestisiya Şirkəti” Qapalı Səhmdar Cəmiyyətinin
fəaliyyəti Azərbaycan
Respublikasının Mərkəzi Bankı tərəfindən tənzimlənir. Şirkət,
09.01.2016-cı il tarixli
087986 saylı lisenziyası əsasında broker, anderraytinq (diler),
marja ticarəti (forex),
fərdi investorların portfelinin idarə edilməsi, market meykerlik və
sair investisiya
xidmətləri üzrə fəaliyyət göstərməkdədir.
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu
fəaliyyət üzrə
həyata keçirilən əməliyyatlar yüksək risk qrupuna daxildir və
“İNVEST-AZ İnvestisiya
Şirkəti” QSC yuxarıda göstərilən məlumatlar əsas götürülməklə,
həyata keçirilən
investisiya əməliyyatları üzrə heç bir öhdəlik daşımır.