Bakı. Trend:
Bu ilin yanvar-fevral ayları ərzində Azərbaycanda mülki məsuliyyətin sığortası üzrə sığorta şirkətlərinin yığımları 4,027 milyon manat təşkil edib.
Bu barədə Trend Mərkəzi Banka istinadən xəbər verir.
Məlumata görə, bu göstərici 2024-cü ilin eyni ayları ilə müqayisədə 1,2 milyon manat və ya 23,4% azdır.
Eyni zamanda, hesabat dövründə mülki məsuliyyətin sığortası üzrə ödənişlərin həcmi 18 min manat təşkil edib. Bu isə 2024-cü ilin yanvar-fevral aylarındakı göstərici ilə müqayisədə 4 min manat və ya 28,6% çoxdur.
Qeyd edək ki, bu ilin yanvar-fevral aylarında Azərbaycandakı sığorta şirkətlərinin xətti ilə 281,2 milyon manat sığorta haqqı yığılıb ki, bu da ötən ilin eyni dövrünə nisbətən 17,2% çoxdur.
Eyni zamanda, hesabat dövründə sığorta şirkətlərinin xətti ilə 108,6 milyon manat sığorta ödənişi edilib. Bu isə əvvəlki ilin eyni aylarındakı göstərici ilə müqayisədə 11,5% artım deməkdir.