Bakı. Trend:
Cari ilin mart ayının 1-nə Azərbaycan iqtisadiyyatına kredit qoyuluşları 29,4 milyard manat təşkil edib.
Trend-in Azərbaycan Mərkəzi Bankından əldə etdiyi məlumata görə, bu göstərici ötən ilin eyni dövrü ilə müqayisədə 4,8 milyard manat və ya 19,4% çoxdur.
Belə ki, hesabat dövründə dövlət bankları tərəfindən iqtisadiyyata 7,2 milyard manat (ötən ilin eyni dövrü ilə müqayisədə 1,3 milyard manat və ya 22,7% çox), özəl banklar tərəfindən 20,4 milyard manat (2,4 milyard manat və ya 13,5% çox), qeyri-bank kredit təşkilatları tərəfindən isə 1,8 milyard manat (2,3 dəfə çox) kredit qoyulub.
Hesabat dövründə dövlət bankları tərəfindən iqtisadiyyata qoyulmuş keditlərin xüsusi çəkisi 24,5% təşkil edib. Bundan başqa, özəl banklar tərəfindən iqtisadiyyata qoyulmiş kreditərin həcmi 69,3%, Qeyri-bank kredit təşkilatları tərəfindən qoyulmuş kreditlərin həcmi isə 6,2%-ə bərabər olub.