Bakı. Trend:
Bu ilin fevral ayının sonuna olan məlumata görə, Azərbaycanda fəaliyyət göstərən banklar tərəfindən informasiya və rabitə sektoruna verilmiş biznes kreditlərinin həcmi 641,1 milyon manata çatıb.
Bu barədə Trend Mərkəzi Bankdan məlumat əldə edib.
Məlumata görə, bu göstərici əvvəlki ilin sonu ilə müqayisədə 17,4 milyon manat və ya 2,8% çoxdur.
Belə ki, yanvar ayının sonunda Azərbaycandakı banklar tərəfindən informasiya və rabitə sektoruna verilmiş biznes kreditlərinin həcmi 623,7 milyon manat olub.
Qeyd edək ki, fevralın sonunda Azərbaycanda fəaliyyət göstərən bankların biznes kredit portfelinin həcmi 14,777 milyard manat təşkil edib.
Bankların biznes kredit portfeli yanvar aynın sonu ilə müqayisədə 0,5% və ya 68 milyon manat artıb.
Yanvarın sonunda bankların biznes kredit portfelinin həcmi 14,709 milyard manat olub.