Bakı. Trend:
Azərbaycan Mərkəzi Bankı (AMB) ilə Dünya Bankı arasında 2025-2029-cu illər üzrə Ölkə Tərəfdaşlıq Çərçivəsinə dair potensial əməkdaşlıq imkanları ətrafında fikir mübadiləsi aparılıb.
Trend xəbər verir ki, bu barədə AMB-nin sədri Taleh Kazımov “X” sosial şəbəkə hesabında paylaşım edib.
“Dünya Bankının (DB) Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə məhsuldar görüş keçirdik. Görüşdə DB ilə uzunmüddətli səmərəli tərəfdaşlıq çərçivəsində həyata keçirilən layihələri və təşəbbüsləri müzakirə etdik”, - deyə paylaşımda qeyd edilib.
