Bakı. Trend:
Bu ilin martın 1-nə Azərbaycanda bank və qeyri-banklar tərəfindən ticarət və xidmət sektoruna kredit qoyuluşlarının həcmi 4,1 milyard manat təşkil edib.
Bu barədə Trend Mərkəzi Bankdan məlumat əldə edib.
Məlumata əsasən, bu, bir ay əvvələ nisbətən 57,7 milyon manat və ya 1,4%, 2024-cü ilin eyni dövrü ilə müqayisədə isə 574,3 milyon manat və ya 16,1% çoxdur.
Qeyd edək ki, ümumilikdə, Azərbaycanda real sektora kredit qoyuluşu üzrə kredit portfeli 29,4 milyard manat təşkil edib.
Bu da aylıq müqayisədə 77,6 milyon manat və ya 0,3%, 2024-cü ilin eyni dövründəki göstərici ilə müqayisədə isə 4,8 milyard manat və ya 19,4% artım deməkdir.