Bakı. Trend:
Cari ilin fevral ayının sonuna olan məlumata görə, Bakıda verilmiş kreditlərin həcmi 21,2 milyard manat olub.
Trend bu barədə Azərbaycan Mərkəzi Bankından məlumat əldə edib.
Məlumata görə, bu göstərici əvvəlki ayın sonu ilə müqayisədə 155 milyon manat və ya 0,74% çoxdur.
Belə ki, yanvarın sonunda Bakıda verilmiş kreditlərin həcmi 21,046 milyard manat idi.
Bəhs olunan dövrdə Bakıda verilmiş kreditlərin orta faiz dərəcəsi 12,08% olub ki, bu da, illik müqayisədə 0,04% çoxdur.
Verilmiş kreditlərin 17,1 milyard manatı milli valyutada, 4,1 milyard manatı isə sərbəst dönərli valyutada olub.
Milli valyutada verilmiş kreditlərin 3,4 milyard manatı qısamüddətli kreditlərin, 13,7 milyard manatı isə uzunmüddətli kreditlərin payına düşüb.