Bakı. Trend:
Bakıda BMT-nin Azərbaycandakı Dayanıqlı İnkişaf üzrə Əməkdaşlıq Çərçivəsi (UNSDCF) üzrə 2021–2025-ci illərin icmalı və 2026–2030-cu illər üzrə yeni çərçivənin əsas istiqamətləri müzakirə olunaraq təsdiqlənib.
Trend xəbər verir ki, tədbirdə iqtisadiyyat nazirinin müavini Anar Axundov və BMT-nin Azərbaycandakı rezident əlaqələndiricisi İqor Qarafuliç çıxışlar ediblər. Daha sonra BMT-nin Rezident Əlaqələndirmə Ofisinin rəhbəri Kanako Mobuchi əvvəlki dövr üzrə əsas nəticələri və yeni çərçivənin icmalını təqdim edib.
Sessiyada iki nəticə qrupu (RG) üzrə 2026-cı il üzrə fəaliyyət planları və prioritetlər təqdim olunub. “İnklüziv sosial-iqtisadi inkişaf və insan kapitalı” və “İqlim dayanıqlılığı və yaşıl inkişaf” istiqamətləri üzrə görülən işlər və planlaşdırılan tədbirlər barədə məlumat verilib.