Bakı. Trend:
Azərbaycan Hava Yolları (AZAL) bu gündən Dubay istiqamətində reysləri bərpa edir.
Trend bu barədə AZAL-ın rəsmi sosial media hesabında paylaşdığı açıqlamaya istinadən xəbər verir.
Paylaşımda bildirilib ki, uçuşlar həftənin hər günü həyata keçiriləcək.
Xatırladaq ki, AZAL fevralın 28-də Yaxın Şərqdə baş verən son hadisələr və hava məkanında tətbiq olunan məhdudiyyətlər səbəbindən Dubay istiqaməti üzrə uçuşları dayandırdığını açıqlamışdı.
