...

Bir il ərzində Azərbaycan Beynəlxalq Bankının aktivləri iki dəfədən çox artıb

Biznes və iqtisadiyyat xəbərləri Materials 26 Oktyabr 2007 17:55 (UTC +04:00)

Azərbaycan, Bakı / Trend , müxbir İ.Xəlilova / Azərbaycan Beynəlxalq Bankından cümə günü verilən məlumata görə, 2007-ci ilin yanvar-sentyabr aylarının yekunlarına əsasən, bankın təmiz gəliri ötən ilin analoji dövrünün göstəricisi ilə müqayisədə 2,01% artaraq, 36,519 mln. manat olub. Gəlirlər ötən il oktyabrın 1-nə olan 39,358 mln. manatla müqayisədə 69, 881 təşkil edib. Bununla yanaşı, bank tərəfindən əldə olunan faiz gəliri 46,366 mln. manat təşkil edib ki, bu məbləğin 35,147 mln. manatı fiziki və hüquqi şəxslərə verilən faizli kreditlərin, 5,274 mln. manatı banklarda yerləşdirilən vəsaitlərin payına düşür. ABB-nin komissyon haqları 23,515 mln. manat, plastik kartlarla aparılmış əməliyyatlardan əldə olunan gəlir isə, 4,799 mln. manat təşkil edir.

Hesabat dövrü ərzində ABB-in xərcləri 50,828 mln. manat təşkil edib. Xərclərin strukturunda bankın ödədiyi faizlərin payına ötən ilin oktyabrın 1-nə olan 9,3 mln. manatla müqayisədə 17,934 mln. manat düşür.

Üçüncü rübdə kredit portfeli 1 414,843 mln. manat təşkil edib. Hüquqi və fiziki şəxslərin əmanətlərinin ümumi həcmi 1618,202 mln. manat təşkil edib ki, buraya fiziki şəxslərin 368,639 mln. manat həcmində olan əmanətləri də daxildir.

ABB-in ümumi kapitalı 272,531 mln. manat səviyyəsində formalaşdırılıb, Nizamnamə Kapitalının payına 97,939 mln. manat düşür.

Təmiz gəlirin bankın aktivləri üzrə ortaq qalığa nisbəti 1,86 %, təmiz gəlirin balans kapitalı üzrə ortaq qalığa nisbəti isə 18,47% təşkil edir.

Hazırda ABB-nin 36 filialı fəaliyyət göstərir.

Xəbər lenti

Xəbər lenti