Azərbaycan, Bakı, 16 yanvar/ , müxbir İ.Xəlilova/ Azərbaycanın Vergilər Nazirliyi əlavə araşdırmalardan sonra ölkədəki ictimai iaşə obyektlərinin vergi sisteminin dəyişdirilməsi məsələsinə qayıtmaq niyyətindədir. Bu barədə vergilər nazirinin müavini Natiq Əmirov məlumat verib. 2008-ci ildən onları sadələşdirilmiş sistemlə, 10% dərəcə ilə vergi sisteminə cəlb etmək nəzərdə tutulurdu.
"Sahibkarların çoxsaylı müraciətlərindən sonra biz bu təklifdən bu il imtina etdik. Lakin bu məsələyə növbəti illərdə qayıtmaq üçün Sahibkarların Milli Konfederasiyası ilə işləri davam etdiririk" - nazir müavini dəqiqləşdirib.
O, istənilən tədbirin yalnız vergi yığılmasının artırılmasına xidmət etmədiyini, sahibkarlığın inkişafını da stimullaşdırmalı olduğunu düşünür.
Aparılan araşdırmalara görə, bu obyektlər üçün vahid vergi dərəcəsinin tətbiqi bu sferada vergi yükünü 40% azaltmağa imkan verə bilər. Bu obyekltər üçün vergi sisteminin dəyişdirilməsində əsas məqsəd sahibkarlara öz dövriyyələrini gizlətməməyə imkan yaradacağına görə, vergi yükünün azaldılması vasitəsilə ilə şəffaflığı artırmaq, vergi qoyulan bazanı genişləndirməkdir.
Mövcud qanunvericiliyə görə, sadələşdirilmiş vergi ödəyiciləri ƏDV məqsədləri üçün qeydiyyatdan keçməyən hüquqi şəxslər və ötən rübb ərzində vergi qoyulan əməliyyatlarının həcmi 22 500 şərti maliyyə vahidi (1,1 manat) təşkil edən hüquqi şəxslər, təhsili olmadan sahibkarlıq fəaliyyəti göstərən fiziki şəxslər ola bilərlər.
