Azərbaycan, Bakı, 12 mart/ " , müxbir Ü.İsmayılova/ Azərbaycanın iri sığorta şirkətlərindən biri MBASK fevral ayı üzrə ümumi sığorta növləri üzrə 450 min dollar məbləğində 127 sığorta ödəməsi həyata keçirib. Bu barədə şirkətin çərşənbə axşamı yayılan məlumatında deyilir.
Ödəmələrin ümumi həcmindən 277 628 manat ($328 955) məbləğində 106 müqavilə özəl sığorta növlərinin payına düşüb. Korporativ növlər üzrə (21 iş) məbləğ 26 742 manat ($31 679) təşkil edir.
Şirkətin ötən ay ərzində ən iri ödəməsi avtomobilin sığortalanması üzrə müqavilə çərçivəsində həyata keçirilib və 22 472 manat ($26 641) təşkil edib.
1992-ci ildən Azərbaycanın sığorta bazarında iştirak edən MBASK sığorta şirkəti 29 növ sığorta xidməti göstərir və bunlardan dördü məcburidir. Şirkətin nizamnamə kapitalı 2 mln. manat təşkil edir.