Azərbaycan, Bakı, 01 aprel / Trend müxbir S.Babayeva/ "Quş qripi" yayılmasına görə İran və Türkiyədən Azərbaycana quş məhsullarının idxalının müvəqqəti dayandırılması ölkə bazarında bu məhsulun defisitinə gətirib çıxaracaq, Respublika Quşçuluq Cəmiyyətinin rəhbəri Aydın Vəliyev belə hesab edir.
" Ölkədə bazanın olmaması səbəbindən biz inkubator üçün yumurtanı xaricdən, xüsusilə, hələ ki, idxal qadağan olunmuş ölkələrdən alırıq" - o qeyd edib.
Azərbaycan Kənd Təsərrüfatı Nazirliyi nəzdində Dövlət Baytarlıq Xidməti əvvəllər Türkiyə, İran, Ukrayna və Hindistandan quş məhsullarının, yem və heyvan mənşəli məhsulların müvəqqəti idxalına qadağa qoyub. Keçən ildən bu qayda Rusiyanın Rostov vilayəti, Kanada, Polşa, İsrail, Almaniya, Macarıstan, Yaponiya, Koreya, Səudiyyə Ərəbistanı, Küveyt və Böyük Britaniyaya qarşı da tətbiq olunub.
Cəmiyətin rəhbəri qeyd edib ki, öz bazamız yalnız bir neçə böyük quşçuluq müəssisəsindən ibarətdir, bütün kiçik quşçuluq təsərrüfatları isə, işini dayandırıb.
Vəliyevin verdiyi proqnoza görə, məsələ yaxın vaxtlarda həll olunmasa, bir aydan gec olmayaraq ölkədə quş məhsularının defisiti və ya nəzərəçarpacaq dərəcədə bahalaşması baş verəcək.
Respublikada Quşçuluq Cəmiyyətinin tərkibinə 29 müəssisə daxildir ( Mardakan Broyler , Siyazan Broyler, Devechi Broyler, Zira Broyler, Arco Co, Imishli Broyler, Shamkir Broyler). Onlardan 28-i quşçuluq müəssisəsi, yalnız 1-i isə baytarlıq dərman preparatlarının distribyutorudur. Azərbaycanda quşçuluq sahəsində çalışan işçilərin sayı 15-20 min nəfərdir.
