Azərbaycan, Bakı, 18 aprel/ Trend müxbir İ.Xəlilova/ Ölkənin biznesin aparılmasının sadəliyini qiymətləndirən Dünya Bankının reytinqində mövqeyinin yaxşılaşdırılması üzrə Azərbaycan hökuməti ilə işlərin davam etdirilməsi üçün DB və Beynəlxalq Maliyyə Korporasiyasının "Doing Business 2008: İslahatları nece keçirməli" hesabatının müəllifi Semion Dyankov ikigünlük səfərlə Bakıda olub. Bu barədə bankın Bakı nümayəndəliyindən məlumat veriblər.
Onun rəyinə görə, ölkədə işgüzar iqlimin yaxşılaşdırılmasında, Prezidentin 2007-ci il 30 aprel tarixli "Sahibkarlığın inkişafı üzrə bəzi tədbirlər haqqında" fərmanı vacib rol oynayıb. O biznesin qeydiyyatı sisteminin asanlaşdırılmasını, vergi siyasətinin təkmilləşdirilməsini və daşınmaz əmlakın qeydiyyatı üzrə tədbirləri yüksək qiymətləndirib. İnvestisiyaların təşviqi və müdafiəsi, tikinti üçün pasportların hazırlanması, torpaqların ayrılması, tikintilərin ekspertizası üçün prosedurların sadələşdirilməsi və digər islahatlar üzrə işləri davam etdirərsə, gələn ildən Azərbaycan islahatçı ölkələrin onluğuna düşə bilər.
Nazirlikdə keçirilən görüşdə iqtisadi inkişaf naziri Heydər Babayev, "vahid pəncərə" prinsipi üzrə sahibkarlıq subyektlərinin fəaliyyətinin təşkili, Milli Fond vasitəsilə güzəştli kreditləşdirmə ilə sahibkarlığın dəstəklənməsi haqqında məlumatlandırıb. Fermerlər üçün güzəştli kreditlər isə özəl sektorun inkişafında çox vacib rol oynayır. Xüsusi iqtisadi zonaların yaradılması da dövlətin sahibkarların dəstəklənməsinə yönəlmiş siyasətinin istiqamətlərindən biridir. Nazirin sözlərinə görə, sahibkarlıq üçün bazar infrastrukturunun yaradılması istiqamətində ölkədə birinci sənaye şəhərciyinin, biznes-inkubatorların, biznes-mərkəzlər şəbəkələrinin yaradılması üzrə işlər davam etdirilir.
"Vahid pəncərə" prinsipinin tətbiqinin (2008-ci il yanvarın 1-dən Vergilər Nazirliyinin vahid qeydiyyat orqanı) nəticəsində yeni müəssisələrin qeydiyyat dövrü 72 gündən maksimum 3 günədək, addımların sayı 15-dən 5-dək azaldılıb.
Beynəxalq təcrübəyə görə, işgüzar iqlim üzrə hesabatın tələblərinə uyğun olaraq, bank hesabının açılması və notarial qeydiyyatın müddəti bir gün olmalıdır.Qeydiyyat sistemi və digər istiqamətlər üzrə keçirilən islahatların nəticəsində Gürcüstan 112-ci yerdən 37-ci, sonuncu hesabat üzrə isə 18-ci yerədək irəliləyib. Bu gün Azərbaycan öz mövqeyini cəmi üç pillə yaxşılaşdıraraq 96-cı yerdə qərarlaşıb.
Prosedurların sadələşdirilməsi nəticəsində, qeydiyyatdan keçmiş hüquqi şəxslərin sayının hər il 10-15 min artacağı gözlənilir. Bu vaxtadək bu rəqəm 4-5 mini ötməyib. Fiziki şəxslərin payına isə 20-30 min düşüb.
Qeydiyyat prosedurunun liberallaşdırılmasına görə, dünya təcrübəsində başqa vəziyyət müşahidə edilir. ABŞ-da hər il qeydiyyatdan keçən 25 mln. sahibkarın 17 mln-ı hüquqi şəxslərin payına düşür.
Bu gün respublikada 70 mindən çox sahibkarlıq subyekti və 200 min fərdi sahibkar fəaliyyət göstərir.
"Biznesin aparılması 2008" tədqiqatında, sahibkarlıq fəaliyyətinin nizamlanmasının 10 sahəsində məlumatları nəzərə alan biznesin aparılması şərtlərinin yaxşılaşması göstəricilərinə müvafiq 178 dövlətin reytinqi göstərilib.
Müəlliflə əlaqə saxlamaq üçün elektron ünvan: [email protected]