Azərbaycan, Bakı, 09 iyun / Trend , müxbir İ.Xəlilova / İyunun 16-da Aşqabadda keçiriləcək ilk Azərbaycan-Türkmənistan biznes-forumunda iştirak üçün artıq 25 iş adamından ibarət iştirakçının siyahısı formalaşdırılıb. Bu barədə bazar ertəsi Azərbaycanın İxrac və İnvestisiyaların Təşviqi Fondundan (AZPROMO) məlumat verilib. Forumda iştiraka, əsasən, tikiti materilları istehsalı, tikinti, qida sənayesi və turizm sahələri üzrə ixtisaslaşan şirkətlər maraq göstəriblər.
"Bu, iki ölkənin iş adamları arasında əlaqələrin qurulmasına ilk cəhddir, onların arasında bank sektoru nümayəndələrinin olmaması isə, Türkmənistan maliyyə sektorunun qapalı olması ilə bağlıdır [Türkmənistanın bank sistemində dövlətin iştirak payı 90 faizi üstələyir]", - deyə AZPROMO-dan bildiriblər.
Azərbaycanın nümayəndə heyətinə iqtisadi inkişaf nazirinin müavini və AZPROMO-nun prezidenti rəhbərlik edir.
Azərbaycanın statistikasına görə, ötən ilin yekunları üzrə iki ölkə arasında mal dövriyyəsi 53,9 mln. dollar təşkil edib. Bununla yanaşı, 40,3 mln. dollar idxal əməliyyatlarının payına düşür. Lakin cari ilin birinci rübündə xarici ticarət əməliyyatlarında Azərbaycan mallarının ixracı üstünlük təşkil edir. İxracda Azərbaycanın payı 8,9 mln. dollarlıq mal dövriyyəsi üzrə 5,4 mln.dollara bərabər olub.
Azərbaycan və Türkmənistan hökumətləri yaxın iki-üç ildə mal dövriyyəsini 500 mln. dollara çatdırmaq vəzifəsini qarşılarına qoyublar.
İki ölkə arasında münasibətlər Qurbanqulu Berdiməhəmmədovun Türkmənistan prezidenti seçilməsindən sonra bərpa olunub və iqtisadi əlaqələrin canlandırılmasına dair razılıq onun Azərbaycana ilk rəsmi səfəri zamanı əldə olunub. Bu hadisə Bakıda Türkmənistan səfirliyinin yeddi illik fasilədən sonra bərpa olunmasına təsadüf etdi. Səfirlik fəaliyyətinin bərpa olunmasına dair razılaşma hökumətlərarası komissiyanın ilk iclasında əldə olunub.
Türkmənistanın Azərbaycandakı səfirliyi 2001-ci ildə ölkələr arasında siyasi-iqtisadi münasibətlərin soyuduğu zaman Bakıdan geri çağırılıb.
İki ölkə arasında fikir ayrılığı, əsasən, Xəzərdə mübahisəli yataq ("Kəpəz", türkmən transkripsiyasında "Sərdar") və dəniz sərhədlərinin müəyyən edilməsi səbəbindən, həmçinin, 90-cı illərin əvvəllərində Azərbaycanın Türkmənistana dövlət borcu ilə əlaqədar kəskinləşib. Türkmən qazının alınmasına görə 44,8 mln. dollar həcmində borc Türkmənistan liderinin Azərbaycana rəsmi səfəri öncəsi tam olaraq qaytarılıb. Xəzərin statusu məsələsində də irəliləyişlər var.
İyunun 9-a olan rəsmi məzənnə 0,8169 AZN/USD təşkil edir.
Məqalə müəllifi ilə əlaqə ünvanı: [email protected]