Azərbaycan, Bakı, 26 iyul/ Trend , müxbir Ü.İsmayılova/ Azərbaycanın kənd təsərrüfatının əlavə inkişafa ehtiyacı var, - DB-nin Bakıda olan Avropa və Mərkəzi Asiya ölkələrinin sabit inkişafı üzrə şöbəsinin başçısı Piter Tomson hesab edir.
"Bu sahəyə əlavə səhmlər tələb olunur. Xüsusilə də irriqasya sektorunun buna daha çox ehtiyacı var" - Tomson deyib.
"Əlavə səhmlər bu sektorun fermerlərlə mütəmadi məsləhətləşmələr tələb edən müasir kənd təsərrüfatı üsuluna daxil olması üçün lazımdır. Fermerlərin bazara daxil olması üçün kənd yollarının təkmilləşdirilməsi lazımdır", - Tomson qeyd edib.
DB-nin şöbə müdirinin fikrincə, fermerlərin müxtəlif məbləğdə və münasib şərtlərlə kredit almaq imkanları olmalıdır.
"Sərfəli kreditlərin alınması üçün maliyyə bazarına asan daxil olmaq - kənd təsərrüfatının inkişafının rəhnidir", - Tomson bildirib.
Trend -a əvvəllər Azərbaycan Kredit Ittifaqı Assosiasiyasının sədri Elçin Bağırovun dediyi kimi, fermerlərə kreditlərin verilməsi sahəsində problemlər var. Bura bəzi kredit ittifaqlarının kreditin verilməsi məsələsini, əhalinin kredit psixologiyasını, öz bizneslərini başa düşməmələri daxildir.
Hökumət Azərbaycanda ərzaq təhlükəsizliyinin təminatı çərçivəsində kənd təsərrüfatı üçün ayrılan subsidiyaların həcmini artırmaq məcburiyyətindədir. Bu yolla yerli istehsalçıları məhsul əkinini artırmaqla, təkcə daxili istifadəyə deyil, həm də gələcəkdə dünya bazarlarına çıxmaq üçün stimullaşdırmaq olar.