Azərbaycan, Lənkəran, 30 iyul/ Trend , müxbir P.Əliyeva/ Son beş ildə Lerikdə buğda istehsalı artıb.Ötən il 7847 ton məhsul yığmaq mümkün olub. Proqnozlara görə, bu il məhsuldarlıq 9 ton olacaq.
Rayonda taxıl yığımı başa çatıb və 3904 ton məhsul artıq üyüdülüb, - Lerik rayonu İcra hakimiyyəti başçısının sosial -iqtisadi məsələlər üzrə müavini Habil Məlikov bildirib.
Onun sözlərinə görə, Lerikdə əkinə yararlı 11,4 min hektar torpaq sahəsi var. Bunun 2352 hektarında taxıl və paxla bitkiləri əkilb.Lakin əsas diqqət buğda istehsalına yönəlib.
Məlikov deyib ki, cari mövsümdə Lənkəranda ərzaq təhlükəsizliyinin təmin edilməsi üçün 2144 hektar sahəyə buğda əkilib.Bunun 117 hektarı Cəngərimanın ərazisinin payına düşüb.
"Buğda əkininə görə fermerlərə subsidiyaların verilməsi bu yaşayış dairəsində də öz bəhrəsini verməyə başlayıb", - icra hakimiyyətinin nümayəndəsi bildirib.
Cari il ərzində məhsuldarlıq hər hektar üçün 20-25 sentner, bəzi yerlərdə 40- 45 sentner təşkil edib.
Torpaq sahibi Tofiq Səfərovun sözlərinə görə, o, ötən il 30 hektar sahəyə taxıl əkib. Bu il isə, dövlətin köməyi sayəsində əkin sahəsi 47 hektara çatıb.
"Ötən il mən 1 ton məhsul əldə edə bilmişdimsə, bu il 1,7 tondan çox məhsul yığmışam", - o deyib.
Bol məhsuladrlıq torpaq sahiblərinə növbəti mövsümdə əkin sahələrini genişləndirməyə stimul verib.
