Azərbaycan, Bakı, 16 avqust/ Trend , müxbir İ.Xəlilova/ Azərbaycanın Dövlət Əmlakının İdarə Edilməsi üzrə Dövlət Komitəsi "Sumqayıt superfosfat" ASC-nin səhmlərinin 99,83 faizini investisiya müsabiqəsinə çıxarıb, şənbə günü Dövlət Komitəsindən bildiriblər. Bu, kimya müəssisəsinin satışına dair artıq ikinci cəhddir. ASC birinci dəfə özəlləşdirməyə ötən ilin yayında çıxarılıb.
Səhm paketi investisiya müsabiqəsinə çıxarılan standart 85 faizdən və 14,83 əmək kollektivi üzvlərinə güzəştli satışdan qalan hissədən ibarətdir.
İddiaçılar ixracyönlü məhsulların istehsalı üçün yeni texnologiyaların tətbiqi, yerli bazarda tələb olunan məhsul istehsalının təşkili, iş yerlərinin bərpası, işçilərin sosial təminatı üzrə tədbirləri nəzərdə tutan investisiya proqramlarını təqdim etməlidirlər.
Təkliflər dövlət büdcəsinə 1,5 mln. manatın ödənilməsi və 80 min özəlləşdirmə çekinin ödənilməsi üçün Dövlət Komitəsinə verilməsi haqqında olmalıdır. İddiaçılar niyyətlərinin ciddi olduğunu təsdiqləmək üçün istənilən bankın 500 min manat məbləğdə zəmanət məktubunu təqdim etməlidirlər.
2008-ci il iyulun 1-nə olan vəziyyətə görə, "Sumqayıt superfosfat"ın Nizamnamə kapitalı 7,545 mln. manat təşkil edib. Müəssisə 1956-cı ildə istismara verilib, onun işçilərinin sayı il ərzində 22 nəfər azalaraq 518 nəfərə çatır. Lakin SC-nin öhdəlikləri bir əvvəlki 1,241 mln. manatdan 1,761 mln. manatadək artıb. Bunun 1,709 mln. manatı mal, xidmət və işlər üzrə borcların (1,223 mln. manat olub), 0,051 mln. manat isə əmək haqlarının və ona bərabər tutulan borcların (0,179 mln. manat olub) payına düşür. Müəssisənin debitor borcu 1,844 mln. manatdır (1,847 mln. olub).
Müsabiqə təklifləri oktyabrın 3-də qiymətləndiriləcək. İddiaçılar oktyabrın 1-dək aşağıdakı ünvanda özəlləşdirmə planı ilə tanış ola və iştirak üçün ərizələrini təqdim edə bilərlər: Bakı, Y.Səfərov küç. 20, kab. 810. Əlaqə telefonları : 490-24-08 (242, 810)
Avqustun 16-na manatın cari rəsmi məzənnəsi -- 0,8142 AZN/USD.
Müəlliflə əlaqə saxlamaq üçün elektron ünvan: [email protected]
