Azərbaycan, Bakı, 07 noyabr/ Trend , müxbir İ.Xəlilova/ "İlin əvvəlindən - 2008 - ci ilin yanvarından "vahid pəncərə" prinsipinin tətbiqi ilə Azərbaycanın Vergilər Nazirliyi 37 mindən çox təsərrüfat subyektini qeyddiyata alıb", - nazirliyin İqtisadi Təhlil və Kommersiya Hüquqi Şəxslərin Dövlət Qeydiyyatının Təşkili Baş İdarəsinin rəisi Zaur Fətizadə cümə günü bildirib.
Onun sözlərinə görə, qeyddiyata alınmış müəssisələrin beş mini hüquqi şəxslər, qalanları fiziki şəxslərin payına düşür.
Yeni sistemin yaradılmasından yeni müəssisələrin dövlət qeydiyyatı 20 dəfə - 3 günədək, təqdim edilən sənədlərin sayı isə bir neçə dəfə azalıb. Prosedurların sayı 13 - dən beşə düşüb.
"Hazırda İqtisadi İnkişaf Nazirliyi ilə "vahid pəncərə" sistemi vasitəsilə sahibkarlıq subyektləri üçün nəzərdə tutulumuş nəzarət paketlərinin paylanılması imkanları müzakirə edilir, - Fətizadə bildirib. - Texniki məsələləri həll etmək və müvafiq sənədləri imzalamaq qalıb."
Bu proses artıq 2008- ci il dekabrın 1-dən başlaya bilər.
Nəzarət kitabçaları yoxlamaların qeyddiyatı üçün lazımdır ki, bu da paralel yoxlama (sahibkarların bəzi dövlət orqanları tərəfindən eyni vaxtda yoxlanılması) və sahibkarlıq subyektlərinin fəaliyyətinə qeyri - qanuni müdaxilə hallarını aradan qaldırmağa imkan verir. İndiyədək yoxlamaların bölünməsi və monitorinqi ölkənin İqtisadi İnkişaf Nazirliyi tərəfindən aparılıb.
Azərbaycanda biznesin sadələşdirilməsi tədbirləri məhz bu prosedurlar üzrə DB və BMK- nın Doing Business hesabatında islahatçı ölkələr onluğuna düşməyə imkan verib. Ölkə 2007-ci ildə bu mövqe üzrə 64, ümumilikdə isə, biznesin aparılması şərtlərinin sadəlik dərəcəsi üzrə 178 ölkə arasında 96-cı yeri tutub. Yeni hesabat oktyabrda açıqlanacaq.
Prosedurların sadələşdirilməsi nəticəsində, qeydiyyatdan keçən hüquqi şəxslərin sayının hər il 10-15 minədək artacağı gözlənilir. "Vahid pəncərə" tətbiq olunanadək onların sayı 4 - 5 mini ötməyib, 20 - 30 min isə fiziki şəxslərin payına düşüb.
Dünya təcrübəsində qeydiyyat prosedurlarının liberallaşdırılmasına görə başqa vəziyyət müşahidə edilir. ABŞ- da hər il qeydiyyatdan keçən 25 mln. sahibkarın 17 milyonu hüquqi şəxslərin payına düşür.
Müəlliflə əlaqə saxlamaq üçün elektron ünvan - [email protected]
