Azərbaycan, Bakı, 27 noyabr/ Trend , müxbir İ.Xəlilova/ "2008 - ci ilin əvvəlindən pul bazasının artımı 27-29 faiz civarında tərəddüd edib", - Azərbaycan Milli Bankı İdarə Heyətinin sədr müavini Aftandil Babayev bildirib.
"Müxtəlif ssenarilər var və pul bazasında dəyişikliklər Milli Bankın valyuta bazarına müdaxiləsinin həcmindən asılılıqda baş verir, - Babayev vurğulayıb. - Biz böyük artım gözləsək də, makroiqtisadi sabitlik baxımından pul bazasının hazırki artım templəri qənaətbəxş hesab olunur".
İnflyasiyanın artım dinamikası göstərir ki, illik hesablamada pul bazasının hətta 50 faizlik artımı gərginlik yaratmır. Babayevin rəyinə görə, 2008- ci ilin yekunları üzrə pul kütləsinin optimal artım səviyyəsi 40-50 faiz arasında dəyişə bilər.
"Bununla yanaşı, pul kütləsinin hazırki artım templəri ötən illə müqayisədə 2 dəfə azdır; 2007-ci ilin analoji dövründə bu göstərici 60 faiz təşkil edib", - AMB İdarə Heyəti sədrinin müavini bildirib.
Onun rəyinə görə, pul bazasının artım templərinin azalması dünya böhranı ilə bağlı deyil və bazarın pul təklifinin absorbasiyası üzrə imkanlarının genişlənməsi ilə əlaqədardır.
"Pul kütləsinin artımı, ilk növbədə, Milli Bankın valyuta bazarına böyük həcmlərdə müdaxilələri ilə əlaqədar yarana bilər, - Babayev əlavə edib. Dİgər tərəfdən, templərin azalması dövlət büdcəsinə manat daxilolmaları sisteminin yaxşılaşması ilə izah olunur ki, bu da əlavə emissiya tələb etmir".
Adətən, büdcə xərcləri artdıqca (rübün, ilin sonuna) Maliyyə Nazirliyi valyuta daxilolmalarının konvertasiyası üçün valyuta bazarına müraciət edir və AMB - nin müdaxiləsi nəticəsində buradan manat vəsaitləri alır.
Bu günə Milli Bankın valyuta bazarına müdaxiləsi 1,6 mlrd. dollar səviyyəsində olub və ilin sonuna müdaxilə həcminin 2 mlrd. dollara çatacağı gözlənilir.
Müəlliflə əlaqə saxlamaq üçün elektron ünvan: [email protected]
