Azərbaycan, Bank, 05 yanvar/ Trend , müxbir İ.Xəlilova/ 2009 - cu ildə Azərbaycanda ödəmə sisteminin inkişafı üçün yeni Dövlət Proqramı hazırlanacaq, - Azərbaycan Milli Bankının (AMB) açıqladığı pul siyasətinin əsas istiqamətlərində deyilir.
"Proqramın realizəsi bank sistemində maliyyə dərinliyinin artmasına xidmət edəcək", - AMB-nin bəyanatında deyilir.
Proqramın həyata keçirilməsi ortamüddətli perspektivdə ölkədə inteqrasiya edilmiş vahid elektron ödəmə məkanı yaratmağa, elektron ticarətin inkişafını sürətləndirməyə və nəqdsiz dövriyyəni artırmağa imkan verəcək.
İndiyədək ölkədə tədbirlər 2005-2007-ci illərdə milli ödəmə sisteminin inkişafı Dövlər Proqramının əsasında aparılırdı. Proqram çərçivəsində, AMB-nin kiçik ödəmələr (HONKS) və böyük ödəmələr (AZİPS) üzrə milli ödəniş sistemləri yaradılıb. HONKS vasitəsilə Kommunal Ödəmələr Mərkəzi yaradılıb. Mərkəz online rejimdə vəsaitləri ödəmək və hesabat almağa imkan verir, ayrı-ayrı banklar tərəfindən sui - istifadə hallarını aradan qaldırır. AMB yanında ölkədə ikinci prosessinq mərkəzi - "Millikart" MMC yaradılıb, sonradan i18 kommersiya bankının idarəsinə verilib.
Prezidentinin "Azərbaycanda ödəmə sisteminin təkmilləşdirilməsi haqqında" 2005-ci il 22 noyabr tarixli fərmanına əsasən, 2007-ci ilin sonunadək ölkənin bütün ticarət obyektləri və xidmət sahələri POS-terminallarla təmin edilməliydilər. Lakin bu proses başa çatmayıb və 2009-cu ildə davam edəcək. Prosesin sürətləndirilməsi üçün Vergilər Nazirliyi terminalların öz obyektlərində təsnifatı olmadan kassa aparatlarını qeydiyyata almır.
Müəlliflə əlaqə saxlamaq üçün elektron ünvan: [email protected]
