Azərbaycan, Bakı, 26 yanvar/ Trend , müxbir N.İsmayılova/ Azərbaycan Milli Bankı (AMB) 2008-ci il ərzində Azərbaycanın ticarət tərəfdaşlarının valyutalarına münasibətdə manatın nominal effektli məzənnəsinin (NEM) ucuzlaşma templərinin azaldığını təsdiqləyir. Bu barədə bazar ertəsi AMB-dən məlumat veriblər. Ümumi ticarət dövriyyəsində məzənnə 17,2 faiz, ixracda - 15 faiz, idxalda isə 21,1 faiz artıb.
ABM-nin hesablamalarına görə, qeyri-neft sektoru üzrə NEM ümumi ticarət dövriyyəsində 20,7 faiz, ixracda 20,8 faiz, idxalda 20,9 faiz artıb.
2008-ci ildə nominal valyuta məzənnəsində baş verən dəyişikliklər ümumi ticarət dövriyyəsində real effektli məzənnənin 61,1 faiz, qiymətlərin dəyişməsi isə 38,9 faiz (neft sektor nəzərə alınmaqla) artmasına təsir göstərib. Bu o deməkdir ki, nominal məzənnə və qiymətin dəyişməsi real effektli məzənnəyə artırıcı təsir göstərib.
2000-ci ilin dekabrı ilə müqayisədə 2008-ci ilin dekabrında xarici ticarətdə manatın NEM-i (neft sektoru nəzərə alınmaqla) 0,1 faiz, idxalda 11,5 faiz artıb, ixracda - 7,1 faiz azalıb.
Qeyri-neft sektorunda manatın NEM-i ümumi ticarət dövriyyəsində 17,2 faiz, idxalda - 15,3 faiz, ixracda isə 28,8 faiz artıb.
Yanvarın 26-na olan cari mübadilə məzənnəsi 0,8052 AZN/USD təşkil edir.
Müəlliflə əlaqə saxlamaq üçün elektron ünvan: [email protected]
